NIMERIDHISHWA NA KASI YA UTEKELEZAJI WA MRADI WA DARAJA LA JANGWANI: WAZIRI ULEGA

Dar es Salaam,25 Novemba, 2025

Waziri wa Ujenzi Mhe Abdallah Ulega amesema serikali inaridhishwa na utekelezaji wa mradi wa ujenzi wa daraja la jangwani uliogharimuzaidi ya shilingi Bilioni 97.

Waziri Ulega ameongeza kuwa utekelezaji wa mradi huo ni kielelezo cha jitihada kubwa za serikali inayoongozwa na Mhe Rais Dkt Samia Suluhu Hassan za kuwasogezea wananchi maendeleo na kuwapunguzia adha katika sekta ya usafiri wa barabara.

Waziri Ulega ameongeza kuwa kukamilika kwa barabara hiyo kutawasaidia wakazi wa jiji la Dar es Salaam kufanikisha shughuli zao za maendeleo ikiwemo usafiri na usafirishaji wa bidhaa zinazochangia katika ongezeko la pato la taifa.

Mpaka sasa mradi wa ujenzi wa daraja la Jangwani umetoa ajira zipatazo 273 na utekelezaji wake umefikia asilimia 13, ambapo unatarajiwa kukamilika mwezi Mei 2027.