TANROADS: Kuimarisha Barabara, Kuendeleza Taifa 

Dodoma, 30 Machi, 2026

TANROADS, Wakala ya Barabara Tanzania, ina jukumu la kusimamia ujenzi, ukarabati na matengenezo ya barabara na madaraja ya kitaifa.

 Lengo kuu ni kuimarisha uchumi, kurahisisha usafirishaji wa mizigo na abiria, na kuunda fursa za ajira kwa wananchi, hususan vijana. Wakala pia unaweka mkazo katika udhibiti wa uzito wa magari, usalama barabarani, na uboreshaji wa viwanja vya ndege kama Julius Nyerere, Mwanza, Songwe, na Sumbawanga.

Hadi Desemba 2025, mtandao wa barabara nchini ulifikia 182,164 km, ukiwemo 37,734 km za kitaifa zenye madaraja 9,563. Hali ya barabara za kitaifa ni asilimia 30 katika hali nzuri, 57 wastani, na 13 mbaya. Ili kuboresha hali hii, Serikali kupitia TANROADS imeweka mikakati madhubuti, ikiwemo ujenzi wa barabara mpya, upanuzi wa zilizopo, ukarabati wa madaraja, na miradi ya dharura (CERC). Mikakati hii inalenga kurejesha mawasiliano, kuimarisha miundombinu dhidi ya mabadiliko ya tabianchi, na kupunguza msongamano wa magari mijini.

Zaidi ya uboreshaji wa miundombinu, TANROADS inatoa fursa halisi kwa vijana na wazawa. Kila mwaka, miradi ya barabara na madaraja inaleta ajira, mafunzo kwa vitendo (on-the-job training), na uwezeshaji wa kiufundi. Vijana wanashirikishwa katika miradi mikubwa ya kimkakati kama Daraja la Tanzanite, Daraja la J.P. Magufuli, na mradi wa BRT, huku wakijifunza teknolojia za kisasa, usimamizi wa ubora, na mbinu za uhandisi. Hii ni fursa ya kipekee ya kujenga uwezo wa kitaalamu na kujitegemea kwa vijana wa Kitanzania.

 Serikali inaunda barabara imara na mustakabali thabiti wa vijana – sasa ni jukumu la kila mmoja kuchukua fursa hizi!